“Bu gün açılışı olan 4 saylı DOST Mərkəzi Bakının Binəqədi və Nərimanov rayonlarında yaşayan sakinlərə xidmət göstərəcək”.

Bunu Əmək və Əhalinin Sosial Müdafiəsi Nazirliyinin ictimaiyyətlə əlaqələr və kommunikasiya şöbəsinin müdiri Fazil Talıbov bildirib.

Onun sözlərinə görə, nazirlik tərəfindən vətəndaşlara dövlət sosial xidmətlərin bir pəncərədə, bir məkanda göstərildiyi, əsas məqsədi vətəndaş məmunluğunu, sosial xidmətlərə əl çatanlığı özündə ehtiva edən DOST Mərkəzlər şəbəkəsi genişlənir:

“İndiyə qədər 1, 2, 3 saylı DOST Mərkəzlərindən ümumilikdə 330 mindən xidmətlərdən yararlanıb. Onların məmnunluq səviyyəsi 97,2 faizdir”.

O qeyd edib ki, DOST Mərkəzlərinin şəbəkəsinin genişləndirilməsi qarşıda duran prioritetlərdəndir:

“2025-ci ilə qədər 16 regionda DOST Mərkəzlərinin istifadəyə verilməsi planlaşdırılır. Bununla yanaşı, 46 qəbul şöbəsi də fəaliyyət göstərəcək mini DOST Mərkəzləri olacaq”.


Paylaş: