"Heykəl məhbusu" kimi tanınan Qiyasəddin İbrahimov Türkiyədən deportasiya edilib.

Bu barədə sosial şəbəkələrdə məlumat yayılıb.

Məlumatda qeyd edilir ki, siyasi fəal heç bir əsas göstərilmədən deportasiya edilib.

Xatırladaq ki, Qiyasəddin İbrahimov 2016-cı ildə hər il mayın 10-da doğum günündə keçirilən Gül bayramından öncə Milli Bankın önündəki parkda yerləşən mərhum prezident Heydər Əliyevin abidəsinin ətrafına "Qul bayramınız mübarək" şüarları yazıldıqdan sonra həbs edilmişdi.

Narkotik maddələrin dövriyyəsində ittiham edilmiş Bayram Məmmədov və Qiyasəddin İbrahimova 10 il həbs cəzası verilmişdi.

O, 2019-cu ilin martında Prezident İlham Əliyevin imzaladığı əfv sərəncamından sonra azadlığa çıxıb.






Paylaş: