Britaniyalı Hanna Kaseldayn 76 kiloqram arıqladıqdan sonra yeni görünüşü ilə hər kəsi təəccübləndirib.

O, sallaq dərisi ilə fəxr edir və bunu öz iradəsinin rəmzi kimi dəyərləndirir.

Hanna uşaqlıqdan artıq çəkidən əziyyət çəkib, lakin hamiləlkdə "İki nəfərin yerinə yeməliyəm" düşüncəsi ilə daha da kökəlib.

Yemək onu sevindirən yeganə şey olub. Bəzən Hanna 12 nəfərlik tortu təkbaşına bir oturuma yeyirdi. Çəkisi 164 kiloqrama çatanda qadın güclə yeriyirdi, bəzən hətta tualetə də vaxtında çata bilmirdi. Həkimlər artıq çəkisinin infarkta səbəb ola biləcəyini deyirdilər.

Nəhayət 30 yaşında Hanna həyatını dəyişdirmək qərarına gələrək arıqlayanlar qrupuna üzv olub və elə ilk həftələrdə çəkisi azalmağa başlayıb.

"Piyada gəzirdim. Əvvəl 10 dəqiqə, sonra 20, 30... İndi isə saatlarla gəzə bilərəm", - deyə Kasldayn təcrübəsini bölüşüb.

İki ilə 76 kiloqram arıqlayan qadın hazırda özünü möhtəşəm hiss edir. Sallaq dəri ilk zamanlar onda qıcıq yaradırdı, lakin hazırda Hanna bununla fəxr edir və dərisinə baxdıqda keçdiyi yolu xatırlayır.

O, "İnstgram"da şəkillərini paylaşaraq arıqlamaq istəyənlərə dəstək olur. (big.az)








Paylaş: