Vətən müharibəsində şəhid olan polkovnik-leytenant Qərib Baxşəliyevin 4-cü övladı dünyaya gəlib.

Şəhidin yeni doğulan qızı bu gün xəstəxanadan evə yola salınacaq.

Xatırladaq ki, mərhumun iki oğlu, bir qızı var.

Qeyd edək ki, bu gün şəhid polkovnik-leytenant Qərib Baxşəliyevin doğum günüdür. O, 1977-ci il mayın 22-də Bakı şəhərində anadan olub. 1984-1994-cü illərdə Nərimanov rayonunda 84 nömrəli tam orta məktəbdə təhsil alıb. 1995-1999-cu illərdə isə Bakı Ali Birləşmiş Komandanlıq Məktəbində (BABKM) ali hərbi təhsil alıb. 2020-ci noyabrın 3-də Zəngilan istiqamətində xidməti avtomobilində düşmənə əsir düşməmək üçün silahı ilə özünə başından açdığı atəş nəticəsində şəhid olub.

Şəhidin nəşini yalnız 32 gündən sonra döyüş meydanından götürmək mümkün olub.

Q.Baxşəliyev II Şəhidlər xiyabanında dəfn olunub.


Paylaş: