Rusiyada süni intellektə malik döyüş robotlarının kütləvi istehsalına başlanıb. Onlar müstəqil döyüşmək qabiliyyətinə malikdirlər.

Bu barədə mayın 21-də Rusiya Federasiyasının (RF) müdafiə naziri, ordu generalı Serey Şoyqu «Yeni Bilik» marafonu mühazirəsində xəbər verib.

«Döyüş robotlarının seriyalı istehsalına başlanıb. Artıq sadə eksperimental nümunələr olan robotlar yox, fantastik filmlərdə göstərildiyi kimi müstəqil döyüşə bilən robotlar yaradılıb - Şoyqu deyib - Mən, sabahın silahı adlandırıla biləcək silahdan da yan keçə bilmərəm. Burada da böyük işlər görülür».

Xəbər verildiyi kimi, artıq yayın sonuna Rusiyada «Sirkon» hipersəs raketinin sualtı qayıqlarda sınağı başa çatacaq. Sınaqlar planlı rejimdə keçir və başa çatmaq üzrədir. Hərbi sənaye qarşısında yaxın perspektivdə seriyalı istehsala çıxmaq tapşırığı qoyulub. Raket unifikasiya ediləcək və suüstü gəmilərdə də tətbiq olunacaq. Belə ki, onlar üçün universal atış qurğusundan istifadə ediləcək.


Paylaş: