Əməkdar artist Mətanət İsgəndərlinin gəlini Canana açıqlaması ilə diqqət çəkib.

Canana həyat yoldaşının övladlarına məsuliyyətsiz yanaşdığını deyib:

"Atası Moskvadan gələn günü qızımı və oğlumla görüşdü. Ögey qardaşının evinə aparan zaman oğlumu it dişləyib, amma heç bir tədbir görməyiblər. Məndən gizli saxlayıblar. Rayona toy mərasiminə gedəndə məcburən evə göndərdilər. Oğlumun paltarını dəyişəndə gördüm ki, ayağında yara var. Soruşdum ki, bu nədir? Dedi ki, it dişləyib. Mənim də xəbərim yoxdur, iynə də vurulmayıb.

Evə gec gətirdilər, klinikalar bağlı idi. Evə təcili yardım çağırdım, səhəri gün isə xəstəxanaya aparıb, iynə vurdurdum. Bundan dörd gün keçdikdən sonra xəbər tutdum. Uşaq risk altında qalıb. Quduzluğa qarşı iynə həmin an vurulmalı idi. Bunu ciddiyə almamaq uşağa qarşı cinayət sayılır. Oğlumun həyatı təhlükədə qalıb. Allahın mənə yazığı gəlib ki, immuniteti möhkəm olub, dörd gün ərzində qızdırma verməyib. Məndən uşaqları almaq istəyirlər, qəyyumluğa veriblər. Uşağı xəstəxanaya da aparmayıblar, ilkin yardım da etməyiblər. Yara təmizlənməli və iynə vurulmalı idi. Bu həqiqətdir və yalan yoxdur. Mənim üçün övladlarım hər şeydir, onlara bir ilə yaxındır ki, tək baxıram. Ürəkləri istəyən kimi saxlayıram. Onları mənim əlimdən heç kim ala bilməz".

Qeyd edək ki, Kərim və Canananın 3 övladı var. Onlar boşanmaq üçün məhkəməyə müraciət ediblər.





Paylaş: