“Dünən Qusara gəlmişəm, Bakıdaydım və orda televiziyaya çıxmışdım. Bakıda olanda çəkilişlərə gedirəm, amma Qusara gələndə burdan mümkün olmur, yol uzaqdı axı”

Bunu Moderator.az-a açıqlamasında Xalq artisti Cavan Zeynallı deyib. Müğənni evini təmir edən ustalardan da gileylənib:

“Dünən Qusara gəlmişəm, Bakıdaydım və orda televiziyaya çıxmışdım. Bakıda olanda çəkilişlərə gedirəm, amma Qusara gələndə burdan mümkün olmur, yol uzaqdı axı. Burda yaşayıram. Burda ustalar var, gəlib deyirlər ki, Cavan müəllim, gəlin sizin evinizdə bu işi görək, qiymət də ucuz olacaq. Amma baxıb görürsən ki, səni aldadırlar. Pullar da gedir və nəticədə də görürsən ki, normal bir şey yoxdu. Gəlib deyirlər ki, bu işi sizə kim edib, heç bunu belə edərlər? Özlərindən əvvəlki ustanın işini pisləyib özləri təzədən işə başlayırlar və daha da bərbad günə qoyurlar. Elə bil bunlar reketdirlər”.

Cavan Zeynallı bir neçə gün öncə dünyasını dəyişən Səməd Səmədovdan da danışıb:

“Səməd mənim çox yaxın dostum idi. Daha yorulmuşam Allah rəhmət eləsin yazmağa. Bunun üçün doğulmuşuq? Səmədin dəfninə gedə bilmədim, pandemiya dövrüdüк axı. Kim hara gedir ki? Adamlar bir-biriylə görüşüb, öpüşürlər. Guya yumşalmalar olub, bu da birtərəfli qaydadadı. Metro işləyir, toylara icazə veriblər, amma ordan da camaatı çıxarırlar. Belə toy olar?”.

Xalq artisti avtomobilini satdığını bildirib:

“Avtomobilimi də satdım, tıxaclara görə maşını necə sürüm, yaşlı adamam. Bir sürücü gətirdim və o da “Mercedes”im var idi, onu yandırdı, özü də aradan çıxdı. Məcbur olub satdım. Ondan sonra gedib bir dənə “Mazda” aldım”.



Paylaş: