Qoç - işdə və ya peşəkar fəaliyyət sahəsində problemlər yarana bilər. Yanlış davranış ciddi çətinliklərə səbəb olmasın. Mövqelərinizi müdafiə edin, mənasız güzəştlərə getməyin. Amma kiçik və mənasız məsələlərə görə inadkarlıq etməyin.
Əks təqdirdə həmkarlar, rəhbərlik və ya işgüzar tərəfdaşlarla münasibətləri korlaya bilərsiniz.
Günün ikinci yarısında fəndgir, hiyləgər olun. Qarşınıza qoyduğunuz məqsədlərə çatmağın yollarını arayın. Yaxınlarınız sizə yardım etməyə hazırdırlar. Fəqət nə istədiyinizi dəqiq və normal izah edin.

Buğa - əlverişli və yaxşı gündür. Səylə, inadla çalışın. Problemlərinizi özünüz həll edin. Qeyri-standart situasiya yarananda kimsəyə imkan verməyin ki, sizi yolunuzdan sapdırsın.
Mühüm qərarlar qəbul etmək olar. İş yerini dəyişmək barədə düşünürsünüzsə, tələsik qərar verməyin.
Yeni təkliflər pis deyil. Sizinlə sövdələşən insan yalan danışmır.
Günün ikinci yarısında ailədəki münasibətlərdə irəliləyişlər olacaq. Son vaxtlar sizi narahat edən problemləri vaxtında, təxirəsalınmaz şəkildə həll etməyə çalışın. Yaşam potensialının səviyyəsi yüksəkdir. Səhhətinizdə problemlər yaranmayacaq.
Axşam saatları aktiv istirahət üçün əlverişlidir.

Əkizlər - təmaslarda diqqətli, ünsiyyətdə sərvaxt olun. Etibar etdiyiniz insanlardan biri sizi aldadaraq etimadınızdan sui-istifadəyə can atacaq. Yeni tanışlar sizdə xoş hisslər yaradır. Lakin onlardan hansı birinin diqqətə layiq olduğunu dəqiq təsbit etmək çətinlik yaratdığından ehtiyatlı davranın.
İş yerini və ya fəaliyyət sahəsini dəyişmək, mühüm işgüzar danışıqlar aparmaq məsləhət deyil.
Günün ikinci yarısında şəxsi münasibətlərdə müsbət təmayüllərin təsiri artacaq. Yaxınlarınızla təmaslarda problem yaratmayın. Maliyyə fonu pis deyil.
Alış-veriş etmək olar.
 
Xərçəng - bir qədər əvvəl başladığınız işləri başa vurun. Niyyətinizi reallaşdırmağa, məqsədə çatmağa çalışın. İntizamlı olun, plan çərçivəsində hərəkət edin. Vaxtınızı və səyinizi mənasız işlərə sərf etməyin. Belə olarsa, rəqiblərlə müqayisədə daha çox iş görmək, daha yaxşı gəlir əldə etmək imkanları var.
Nailiyyətləriniz diqqətdən yayınmayacaq. İşdə rəhbərlik sizi tərifləyəcək. Kommersiya fəaliyyəti ilə məşğul olursunuzsa, maraqlı təkliflər alacaqsınız.
Günün ikinci yarısında yaxınlarınızla ünsiyyətdə qayğıkeş olun. Onların sizə ehtiyacı var. Ailədəki böhranı həll etmək, şəxsi münasibətləri yeni səviyyəyə yüksəltmək olar.

Şir - günün ilk yarısında çətinliklər yarana bilər. Emosional fon əlverişli deyil. Yaşanan olaylara sərt, aqressiv reaksiya verməyin.
İşdə həmkarlarla dil tapmaq asan deyil. Kimsənin xətrinə dəyməyin. İrad və tənqidlərin sayını azaldın.
Günün ikinci yarısı daha sakit, daha uğurludur. Diqqət və səy tələb edən işlərdə fəal olun. Yalnız özünüzü düşünərək sevdiyiniz insanı qayğılandıran məsələləri qulaqardına vurmayın.

Qız - işlərin əksəriyyəti gözləntilərinizdən də yaxşıdır. Xoş sürprizlər, qəfil gəlirlər istisna deyil. Şəxsi münasibətlər baxımından düşərli zamandır. Münasibətlərdəki sərinliyi aradan qaldırmaq üçün açıq söhbətə ehtiyac var.
Sizi narahat edən, əndişələndirən məsələ barədə sevdiyiniz insanla danışa bilərsiniz.
Günün ikinci yarısında peşəkar fəaliyyət sahəsində durum o qədər də yaxşı deyil. Diqqətli olun, kobud səhvlərə yol verməyin. Sizə yardım etməyə hazır, səhvlərdən qorumaq istəyən insan yanınızdadır.
Onun məsləhətlərinə qulaq asın.

Tərəzi - maliyyə və pul məsələlərinə görə münaşişələr yarana bilər. Hətta cüzi məbləğ dostlar, həmkarlar və ya tanışlardan biri ilə mübahisəyə səbəb olmamalıdır.
Borc vermək, planldaşdırılmamış alış-verişə çıxmaq məsləhət deyil.
Mürəkkəb avadanlıq və texnika işə işləyəndə sayıq olun.
Fiziki iş üçün əlverişli zamandır.
Günün ikinci yarısı zərərli vərdişlərdən birindən imtina üçün pis zaman deyil. Rasionunuza fikir verin. Sağlam qidalanın. İdmanla məşğul olmağı unutmayın. Romantik görüş sizi pərişan edə bilər.

Əqrəb - əlverişli zamandır. Başladığınız işlərdə uğur qazanacaqsınız. Yeni işlərə və ya layihələrə başlamaq olar. Qarışıq, mürəkkəb problemin həllində ziddiyyətli qərarlar verməyin. Yardımçı və müttəfiq tapa biləcəksiniz. İnvestorun imkanları ən cəsarətli planınızı reallaşdırmağa imkan verəcək.
Günün ikinci yarısı sənədləşdirmə, hüquqi məsələlərin həlli üçün münasibdir.
İmici yeniləmək, sağlamlıq prosedurları yolveriləndir. Orijinal qərarlarınız və qeyri-adi addımlarınız yaxın ətrafınızdakı insanları heyrətləndirəcək.
Axşam saatlarında istədiyiniz kimi əylənin, amma istirahəti də unutmayın.
 
Oxatan - işgüzar duyumunuz kəskin və iti olmalıdır. Bu gün anlaşma və sövdələşmələr gəlir vəd edir. Alış-verişdə ifrat simiclik etməyin. Peşəkar fəaliyyət sahəsi ilə yeni planlar yaranır. Öz biznesinizə başlaya bilərsiniz. Bu, düşündüyünüz qədər çətin deyil.
İşdə rəhbərliklə münasibətləri korlamayın. Maaşın artırılması ilə bağlı müraciət yersiz deyil.
Axşam saatlarında romantik görüş yaxşı təəssüratlar bəxş edəcək. Ailə üzvləri ilə təmaslar sizi sevindirəcək.

Oğlaq - işlər pis getmir. Lakin yaşananlar sizi qane etmir. Daha ciddi uğurlar əldə etmək, məqsədlərə daha tez çatmaq, yaxın ətrafınızdakı insanlardan üstün olmaq istəyirsiniz. Ehtiyatlı və sərvaxt davransanız, can atdığınız hədəfə çatacaqsınız.
Nüfuzlu insanlarla ünsiyyət üçün əlverişli gün deyil. İşdə rəhbərlikdən uzaq olsanız, yaxşıdır. Təşəbbüsünüzün normal qarşılanacağına əmin olandan sonra innovasiya ilə çıxış etmək olar.
Günün ikinci yarısında əhvalınız pisləşə bilər. Amma səhhətinizdə ciddi problemlər yaranmayacaq. Orqanizminizi sınağa çəkməyin. Həkimlərin dediklərinə qulaq asın. Yaşlılarla söhbətdə diqqətli olun.

Dolça - günün ilk yarısı pis olmayacaq. Ən cəsarətli planlarınızdan birini reallaşdıra bilərsiniz. Yeni tanışlardan birinə, indiyədək birgə çalışmadığınız insana güvənə bilərsiniz.
Kiminlə çalışmağın gərəkdiyini intuisiyanız sizə aşkar deyəcək. Zərgərlik məmulatlarının alınması, incəsənət əsərlərinə pul yatırmaq üçün əlverişli zamandır.
Günün ikinci yarısında şəxsi münasibətlərdə gərginlik yarana bilər. Xüsusilə dəyər verdiyiniz insanı qayğılandıran məslələrdən hali olun. Axşam saatlarına yaxın əhvalınız pisləşə bilər. Başağrısı, yuxusuzluq riski var.

Balıqlar - tələskənliyə yol verməyin, düşünülmüş addımlar atın. Qətiyyətli və sürətli olsanız, ciddi uğurlara nail ola bilərsiniz. Düşünüb-daşınmaq üçün vaxtınız azdır. Əslində, buna lüzum da yoxdur. Planlarınızda müəyyənləşməyə nail olun, konkretləşdirmələrə başlayın. Yalnız bundan sonra bəlli istiqamətdə fəaliyyətə başlayın.
Günün ikinci yarısında əhəmiyyətli gəlirlər edə bilərsiniz.
Köhnə tanışlarla yanaşı, yeni tanış olduğunuz insanlarla dil tapmağı bacarın. Yeni dostlar və ya müttəfiqlərlə əməkdaşlıqda süst davranmayın.
Axşam saatları yaşlı qohumlarla görüş üçün əlverişli zamandır. Onlar sizi görməyə şaddırlar.



Paylaş: