600 nəfərdən çox adam evakuasiya edilib, 300-ə yaxın yaşayış məntəqəsi elektrik enerjisindən məhrum olub

Hurriyyet.org xəbər verir ki, Türkiyədə sel fəlakətinin qurbanlarının sayı artıb. Kastamonu vilayətində leysan yağışlardan sonra baş verən daşqınlar nəticəsində həlak olanların sayı 9 nəfərə çatıb, 1 nəfər isə itkin düşüb. Bu barədə açıqlamanı Türkiyənin Fövqəladə Vəziyyət və Təbii Fəlakətlər İdarəsi verib.

Təbii fəlakət rayonunda axtarış-xilasetmə tədbirləri davam edir, 600 nəfərdən çox adam evakuasiya edilib. 300-ə yaxın yaşayış məntəqəsi elektrik enerjisindən məhrum olub.

Körpülərin çökməsi və yolların dağılması nəticəsində təbii fəlakət rayonunda bəzi avtoyollar bağlanıb. Kastamonu vilayətinin Bozkurt rayonunda Su-Elektrik Stansiyasının bəndinin aşması nəticəsində rayondakı iş yerləri və evlər su altında qalıb. Selin apardığı maşınlar yolları kəsib, küçələrə çıxmaq qeyri-mümkün olub.






Paylaş: