Azərbaycan Dövlət Neft və Sənaye Universitetinin tələbələrindən COVİD-19 pasportu tələb edilir.

Bakupost.az xəbər verir ki, bu barədə bir qrup tələbə sosial şəbəkələrdə paylaşım ediblər.

Qeyd edilir ki, sentyabrın 15-ə qədər dərslər qismən oflayn keçiriləcək. Bununla əlaqədar olaraq, vaksinasiya olunmuş tələbələrin vaksin sertifikatlarının universitetin e-mail ünvanına göndərilməsi tapşırılıb.

Məsələ ilə bağlı ADNSU ilə əlaqə saxladıq.

Universitetinin İctimaiyyətlə Əlaqələr və Marketinq departamentinin rəhbəri Bəhruz Nəzərov bildirdi ki, belə bir tapşırıq yoxdur:

“Yayılan məlumatlar həqiqəti əks etdirmir. Bu, Təhsil Nazirliyinin təsis etdiyi universitetdir. Nazir də dərslərin başlaması ilə bağlı mətbuata açıqlama verib. Ümumi mənada nə qərar verilsə, ADNSU-da tədrisi elə davam etdirəcək”.


Paylaş: