Göyçay rayonun Çərəkə kəndinin sakini 36 yaşlı Ana Bakırova anadangəlmə fiziki məhdudiyyətlidir.
Yeniavaz.com xəbər verir ki, “Baku TV” fiziki məhdudiyyətli olsa da, bu zəhmətkeş qadın haqqında reportaj hazırlayıb. Atası vəfat edən qadın yaşlı, xəstə anası ilə yaşayır. Fiziki məhdudiyyəti olmasına baxmayaraq, gənc qadının ayaqlarını əlləri əvəz edir. O, sürünərək əlləri ilə fiziki işlər görür: odun doğrayır, ot biçir, həyəti təmizləyir.O bildirir ki, bütün işləri görür, hətta şərait yaradılsa işləyib pul da qazana bilər:
"Anadan olandan yeriməmişəm. Bir qoca anam var, ona baxıram. Ev silirəm, yığışdırıram, yemək bişirirəm, qabları yuyuram, yəni mənim həyatım budur. Sürünə-sürünə hər işimi özüm görürəm”.
İllərdir köməksiz vəziyyətdə bu işləri görən Ana anasından başqa kimsəsi olmadığını deyir. Elə ən qorxduğu şey də anasını itirməkdir:
“Kiminsə anası rəhmətə gedəndə fikirləşirəm ki, mənim anam olmasa mən nə edərəm".
A.Bakırova bildirir ki, 9 dəfə ayağı kəsilib və hər dəfə müxtəlif insanlar donor kimi ona qan verib.
Daha ətraflı reportajı təqdim edirik:





Paylaş: