“Çox çətindir, acınacaqlı bir vəziyyətdir, həqiqətən, teatrsız dözmək mümkün deyil. Əlaqədar qurumlardan rica edirəm, teatrların sentyabrda açılması barədə düşünsünlər, qərar versinlər. Teatr, aktyorlar məhv olmasın”.

Bunu Yenicag.az-a açıqlamasında tanınmış aktyor, rejissor, əməkdar artist Nofəl Vəliyev deyib.

O, teatr işçilərinin 99 faizinin vaksin olunduğunu, lakin hələ də teatrların açılmadığını bildirib:

“Aktyorların əksəriyyəti, 99 faizi peyvənd olunub. Bəziləri də virusa yoluxub, sağalıb, immunitet sertifikatı var. Bu gün Azərbaycan teatrının aktyorları tamamilə formasını itirmək təhlükəsi ilə qarşı-qarşıyadır. Formasını itirmək deyərkən kökəlib, arıqlamağı, yox, psixotexniki problemləri nəzərdə tuturam. Buna görə də teatrların, heç olmasa, məşqlər üçün açılmasını çox istəyirik. Uyğunlaşmaq, özümüzə gəlmək üçün bir çox aktyorlara, o cümlədən də mənə vaxt lazım olacaq.

Teatr yada düşmür, bu, çox acınacaqlıdır. Aktyorlar, tamaşalar batır. Teatr əyləncə mərkəzləri ilə eyni deyil. Teatrın 400, 700 tamaşaçı zalı var və ara məsafə gözləmək şərti ilə tamaşalar oynamaq olar”.




Paylaş: