"Taliban" bəzi nazirlik və idarələrə başçılar təyin edib.
Bu barədə Əfqanıstanın "Pajhwok" agentliyi məlumat yayıb. Xəbərdə bildirilir ki, Daxili İşlər Nazirliyi, Maliyyə Nazirliyi və kəşfiyyat xidməti də daxil olmaqla bir neçə nazirlik və idarələrə rəhbərlər təyin olunub. Daxili işlər naziri vəzifəsini Sədr İbrahimi, maliyyə naziri vəzifəsini Gül Ağa, kəşfiyyat xidməti rəhbəri vəzifəsini isə Nəcibullah yerinə yetirəcək.
Bundan əlavə, hərəkat öz nümayəndələrini təhsil naziri, ali təhsil naziri və ölkənin paytaxtı Kabulun idarə olunması üçün mer vəzifələrinə təyin edib.
Qeyd edək ki, "Taliban" hərəkatının 12 nəfərlik məclis quracağı məlumatı paylaşılmışdı.


Paylaş: