“Mən bir şeyi bilirəm ki, Damla müğənni deyil. Xasiyyəti necədir, özü bilər. Verilişdə qonaq olub, həyatını danışıb, ürəyim ağrıyıb. Damladır, Şəbnəmdir, bunlar kooperativ oxuyanlardır. O vaxt kooperativ köynəklər var idi”.

Bunu müğənni Əli Mirəliyev deyib.

O, bu cür ifaçıların hazırda telekanallarımızı zəbt etdiyini bildirib:

“Təkcə onlar deyil, bu cür oxuyanlar çoxdur. Televiziyalarımızda dəhşətli vəziyyətdir. Bağlanan telekanalların aparıcıları da həmin kanallara axışıb. Damla əgər oxuyan olsaydı, ürəyi olardı və elə o maşını torpağa basdırmaq yerinə hansısa qazimizə verərdi. Yaxşı musiqiçinin yaxşı da ürəyi olur. Onlarda bu düşüncə, hissiyat yoxdur deyə nələrsə edirlər ki, yadda qalsınlar. Bütün bunların hamısı ədabazlıqdır, axı ortalığa çıxaracaq bir şeyləri yoxdur”.

Qeyd edək ki, müğənni Damlanın klipində “Subaru” markalı 12 minlik avtomobilini torpağa basdırması müzakirələrə səbəb olub. / Moderator.az


Paylaş: