Göyçay rayonunda şəhid Nadirov Fərid İlyas oğlunun 21-ci doğum günü məzarı yanında anılıb. Şəhidimizin ilk öncə məzarı ziyarət edilib. Daha sonra xatirə abidə bulaq kompleksinin açılışı keçirilib.
Anım mərasimində rayon rəhbərliyi, şəhidin yaxınları, sakinlər və qonaqlar iştirak ediblər. Ziyarətçilər şəhidin ailə üzvlərinə başsağlığı verib, məzarı üstünə gül dəstələri qoyaraq, ruhuna dualar oxuyub.

Şəhidin dostu jurnalist Davud Tarverdiyev çıxış edərək bildirib ki, "Şəhid qəhrəman qardaşlarımız heç vaxt unudulmayacaq onların adına bu cür bulaqlar tikiləcək, məktəblərə onların adı veriləcək, onlar haqqında əsərlər yazılacaq, filmlər çəkiləcək. Gələcək nəsillər öz qəhrəmanlarını əbədi yaşadacaqlar.

Fərid İlyas oğlu Nadirov 21 sentyabr 2000-ci ildə rayonun Üngütlü kəndində dünyaya göz açıb. İlk orta məktəb təhsilini Göyçay şəhər 1 nömrəli məktəbində alıb. Daha sonra Göyçay Dövlət İdarəetmə və Texnologiya kollecinə daxil olub. 2019-cu ilin iyul ayının 3-də həqiqi hərbi xidmətə yola düşüb. 2020-ci ilin sentyabrın 27-dən başlayan Vətən müharibəsində Fərid Nadirov iştirak edərək böyük qəhrəmanlıq nümayiş etdirib.
9 oktyabr 2020-ci il tarixdə Suqovuşan istiqamətində gedən döyüşlərdə qəhrəmancasına şəhid olub.28 noyabr 2020-ci il tarixdə Göyçay şəhərində Şəhidlər xiyabanında dəfn edilib.Evin tək oğlu olan Fərid Nadirov nişanlı idi. Prezidentin sərəncamı ilə "Vətən uğrunda" medalı ilə təltif olunub.

Allah rəhmət eləsin !

Davud Tarverdiyev RegionXəbərləri.com



















Paylaş: