Qoç - ruhdan düşməyin, bədbinliyə qapılmayın. Qarşınıza qoyduğunuz məqsədə çatmaq asan olmasa da, bunu bacaracaqsınız. Dəstək vəd etmiş insanlara bel bağlamayın. Problemləri özünüz həll edin. Müstəqil çalışın. İradəli və qətiyyətli olsanız, niyyətinizi gerçəkləşdirə bilərsiniz.
Günün ikinci yarısında gəlirlər istisna deyil. Alış-verişə tələsməyin. Dürüst seçim etmək asan deyil.
Müqavilələr, anlaşmalar və sövdələşmələrdə diqqətli olun. Kiçik detallara fikir verin. Qanuna tam riayət edin.
Axşam saatlarında yaxınlarınıza yardım etmək üçün bəzi işlərdən imtina etmək zərurəti yaranacaq.

Buğa - gərgin, mürəkkəb gündür. Səbr kasanız asanlıqla daşmasın. Ən xırda məsələlərə qıcıqlansanız, bədxahlarınız bundan istifadə edəcəklər. Şübhəli insanlara inanmayın, onların sizinlə manipulyasiya etməsinə imkan verməyin.
Günün ikinci yarısında düşünülməmiş, tələsik qəbul ediləcək qərarlar işgüzar əlaqələrə və şəxsi münasibətlərə pis təsir edə bilər.
Əşyalarınız, pullarınız və sənədlərinizi diqqət mərkəzində saxlayın. Mühüm nəyisə itirmək və ya oğurluq qurbanına dönmək riski var. Adi günlərdən fərqli olaraq işlər çoxdur. Daha gərgin çalışmaq məcburiyyətindəsiniz.
Axşam saatlarında normal istirahət edin.

Əkizlər - sizdə kəskin antipatiya hissləri yaradan insanlardan uzaq durmağa çalışın. Onların mənfi təsirindən qorunmaq asan olmaya bilər. Aramla çalışın, orqanizmi sınağa çəkməyin. Arzular, illüziyalar və yaxın gələcəklə bağlı planlar arasında sərhədi dəqiq bilin. Əks təqdirdə yaxınlarınız sizi anlamayacaqlar.
Günün ikinci yarısında əhvalınız pisləşə bilər. Sümük və oynaq ağrıları istisna deyil. İdmanla məşğul olarkən, gəzintidə sərvaxt olun. Travma riski var.

Xərçəng - tələskən olmayın. Düşünüb-daşınmadan qərar verməyin. Situasiyanı anlamağa çalışın. Bütün şərtləri dəqiq, səbrlə dəyərləndirin. Bundan sonrakı günlərdə riayət edəcəyiniz strategiyanı seçin.
Ambisiyalarınıza nəzarət edin. Rəqiblərlə sərt mübarizəyə başlamayın. Qüvvə və enerjinizə qənaət edin. Müvəqqəti olaraq kölgəyə çəkilin.
Günün ikinci yarısında şəxsi münasibətlərdə irəliləyiş olacaq. Ciddi çətinliklər və problemlər olmayacaq. Yaxınlarınız yaxşı məsləhətlər verəcəklər.
Axşam saatlarını dəyər verdiyiniz adamlarla keçirin. Onlarla ünsiyyət əhvalınızı yaxşılaşdıracaq.

Şir - gərgin, ağır, qarışıq gündür. İzafi diqqət və ciddi yanaşma tələb edən işlərdə səhlənkarlıq etməyin. Başdansovdu fəaliyyətin fəsadları çox ağır ola bilər. Fiziki işdən qaçmayın.
Günün ikinci yarısında alış-verişdə çox pul xərcləməyin. Əhvalınızı yaxşılaşdırmaq üçün əsla ehtiyac duymadığınız nəsnəni almayın.
Sizi anlayan insanla görüşməyə vaxt tapın. Onların dəstəyinə ehtiyacınız var. Bacarıq və istedadınıza şübhə edən şəxslərlə, ümumiyyətlə, ünsiyyətdə olmayın. Belə adamlara görə özünüzə əminliyiniz azala bilər.

Qız - yarımçıq işləri bitirməyincə yeni işlərə başlamayın. Əvvəlki günlərdə fərqli olaraq qarışıq, laübəli zamandır. İşdə problemlər yarana bilər. Yaxın ətrafınızdakı insanlar təşəbbüskar olmağınıza adət ediblər.
Çətin situasiyada lider olun.
Günün ikinci yarısında işlərinizi başqalarına həvalə etməyin. Evdə işlər artıb. Nə etməyin gərəkdiyini bilin, çaşıb qalmayın. Gəlirlər istisna deyil.
Axşam saatlarına yaxın əhvalınızda pisləşmə ola bilər. Meditasiya və ya yoqa ilə məşğul olmaq mümkündür.
 
Tərəzi - yaxın ətrafınızdakı insanların öhdəsindən gələ bilmədikləri problemləri həll edə biləcəksiniz. Karyera müstəvisində irəliləmək şansları var. Yeni, maraqlı işgüzar təkliflər alacaqsınız. Qarşınızda fərqli üfüqlər, perspektivlər açılacaq. Uğurlarınız diqqətdən kənarda qalmayacaq. Yaxın ətrafınızdakı insanlar arasında sizə paxıllıq edən yoxdur.
Günün ikinci yarısı işgüzar fəaliyyət və yaşamın istənilən sahəsində təşəbbüslər üçün əlverişlidir. İdeyalarınızı cəsarətlə müzakirə edin. Fikrinə dəyər verdiyiniz insanla gələcək perspektivləri birgə nəzərdən keçirin. Sevdiyiniz insanla münasibətlərdə yeni mərhələ zamanıdır.

Əqrəb - situasiya yaxşı, əhvalınız pisdir. Nikbin olun. Bədbinliyə qapılmyın, səbəbsiz narahatlıq keçirməyin. Belə durumu əsla bəyənməsiniz də, ondan qurtulmaq asan deyil. Problemin həlli üçün ağır durumun əsl səbəblərini aşkarlayın.
Yaxınlarınız sizə yardım və dəstək verməyə hazırdır. Lakin sizə kömək olmağa çalışan insanlar sizə problemləri xatırladırlar.
Günün ikinci yarısında kommersiya məsələlərinin çözümü ilə məşğul olmaq mümkündür. İşgüzar duyumunuz iti olsun.
Axşam saatlarında normal istirahət edin.

Oxatan - diqqət cəlb etməyə çalışaraq özünüzü reklam etməyin. Gülünc duruma düşməyin. Təbii davranın, özünüz olun. Məhz belədə bilik və bacarıqlarınızı, ən yaxşı məziyyətlərinizi daha yaxşı nümayiş etdirə bilərsiniz.
Maliyyə fonu uğurlu deyil. Pulla bağlı məsələlərdə ehtiyatlı olun. Bədxərclik etməyin.
Günün ikinci yarısı ev işləri, fəaliyyət və yaşam arealının rekonstruksiyası, yarımçıq qalmış işlərin başa çatdırılması üçün əlverişlidir. Axşam saatlarını sakit istirahətə, yaxınlarınızla ünsiyyətə həsr edin.
Səs-küylü tədbirlərə qatılmayın.

Oğlaq - hisslərin əsirinə çevrilməyin. Günün ilk yarısında kiçik uğursuzluqlar sizi bədbinləşdirməsin. Planları unutmayın, onları reallaşdırmağa və məqsədə çatmağa çalışın. Hədəfə doğru inadla irəliləsəniz, yaxın ətrafınızdakı insanlar sizinlə maraqlanacaqlar.
Günün ikinci yarısında yardım üçün müraciət edəcəyiniz insan sizi dinləyəcək.
Nüfuzlu insanlarla ünsiyyət üçün yaxşı gündür. Çoxdan bəri əlaqələr qurmaq istədiyiniz insanla görüşün nəticələri pis olmayacaq. Daşınmaz əmlakla bağlı sövdələşmələr və müqavilələr, köç üçün əlverişli zaman deyil.
Axşam saatlarında yeni yaradıcı layihəyə başlamaq olar.

Dolça - günün ilk yarısında ehtiyatlı və sayıq olun. Çətin vəziyyətə düşmüş insana yardım edin. Yaxın ətrafınızdakı insanlar sizinlə maraqlanacaqlar. Problemlərdən qurtulmaq, yeni dost tapmaq şansları var. Yalnız öz məqsədlərinizə çatmaq və maraqlarınızı təmin etməyə çalışmayın. Məntiqli olun.
Günün ikinci yarısında intuisiyanız sizi aldatmayacaq. Onsuz da, birmənalı olmayan vəziyyəti daha da ağırlaşdırmayın. Unutmayın ki, yol verəcəyiniz səhvlərin fəsadları çox adamın diqqətini cəlb edə bilər.Axşam saatlarında işgüzar aktivliyi bir qədər azaldın. Yaşamınızda nəyisə köklü şəkildə dəyişməyə dəyməz.

Balıqlar - günün ilk yarısında işlərə başdansovdu yanaşmayın. Ciddi problemlər təxirəsalınmaz həll tələb edir. Təyin etdiyiniz işləri unutmayın, planlaşdırılmış işləri yaddan çıxarmayın. Kiçik maliyyə itkiləri istisna deyil.
Günün ikinci yarısında alış-veriş uğursuz olacaq. İşdə rəhbərliklə münasibətləri normallaşdırın. Belədə problemlər yaranmayacaq.
Axşam saatlarında yaxınlarınızla mübahisə etməyin. Sərt tənqid və ya iradları ürəyinizə salmayın. Küsmək üçün heç bir səbəb yoxdur. Uşaqlarla ünsiyyət sizi sevindirəcək.


Paylaş: