“Saakaşvilinin Gürcüstana gəlişi “Gürcü arzusu”nun uydurduğu saxta bir nağıldır”.

Bu barədə “Gürcüstan naminə” partiyasının lideri, sabiq baş nazir Georgi Qaxaria jurnalistlərə açıqlamasında deyib.

Müxalifət lideri bildirib ki, “Gürcü arzusu” bundan istifadə edərək tərəfdarlarını səfərbər edir:

“Burada bundan başqa heç nə yoxdur. Saakaşvili Gürcüstana ümumiyyətlə gəlməyə cürət edərsə, bu, “Gürcü arzusu” ilə razılaşdırılmış şəkildə olacaq. Hər halda, o tülkü kimi, (M. Saakaşvili – red.) bu adamlar da (iqtidardakılar – red.) həbsdə olmalıdır. Bu gün onun nə dediklərinin əhəmiyyəti yoxdur.”

“Bu gün o heç kəsdir, siyasi nüfuzu sıfırdır. O, sadəcə karikatura fiqurudur. Burada yeganə məna budur ki, əgər hər hansı bir şey olsa, “Gürcü arzusu”nun saxta qələbəsi naminə olacaq. Bir möcüzə baş verərsə də, onun yeri ( M. Saakaşvilinin – red.) həbsxanadır. Bir daha qeyd edirəm, belə bir möcüzə baş verərsə...

Əminəm ki, Saakaşvili dönüşü barədə “Gürcü arzusu” ilə razılaşıb. Bundan sonra nə olacaq, hamımız birlikdə görəcəyik” - deyə G. Qaxaria fikirlərini davam etdirib.

Mixail Saakaşvilinin Gürcüstana gəlişinin nə ilə nəticələnəcəyi ilə bağlı suala Qaxariya belə cavab verib:

“Heç nə olmayacaq. Birincisi, Saakaşvili Gürcüstana gəlməyəcək. İkincisi, gəlsə belə, o həbs edilməlidir, çünki məhkumun yeri həbsxanadır.


Paylaş: