2020-ci il sentyabrın 27-də düşmənin törətdiyi təxribata qarşı əks-hücumla başlanan 44 Günlük Vətən Müharibəsindəki qələbəmizin bir ilinin tamam olması ilə əlaqədar olaraq Ucar rayonunda Rayon İcra Hakimiyyətinin təşəbbüsü ilə Zəfər bayramı tədbiri keçirilmişdir.   

Tədbirdə Ucar Rayon İcra Hakimiyyətinin başçısı Mənsur Məmmədov, RİH məsul şəxsləri, hüquq- mühafizə orqanlarının, idarə, müəssisə, təşkilatların rəhbərləri, şəhid ailələri, qazilər və digər məsul şəxslər iştirak edib.

Əvvəlcə Azərbaycanın ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad olunub.

Tədbirdə şəhid ailələri, qazilər, müharibə iştirakçıları çıxış edib onlara göstərilən diqqət və qayğıdan razılığını ifadə ediblər.

Tədbir Ucar şəhər İncəsənət məktəbinin şagirdlərinin, Ucar rayon Mədəniyyət evinin əməkdaşlrının hazırladıqları konsert proqramı ilə davam etdirilib.  

RegionXəbərləri.com