Səhiyyə Nazirliyi vətəndaşları ehtiyatlı olmağa çağırır.

Naziliyin mətbuat xidmətindən verilən məlumata görə, son günlər Səhiyyə Nazirliyi adından çıxış edən kiberdələduzlar istifadəçilərə “WhatsApp” üzərindən “spam” mesajlar göndərir.

Mesaj göndərən şəxs Səhiyyə Nazirliyi depo departamentinin insan resursları şöbəsinin baş koordinatoru Emil Hüseynov olduğunu iddia edir.

Həmin şəxs vətəndaşların müxtəlif vakansiyalar üzrə müraciətlərinin müsbət dəyərləndirildiyini iddia edir və bunun təsdiqi üçün onlardan 58 manat ödəniş etməsini tələb edir.

Bildirilir ki, Səhiyyə Nazirliyində bu adda şöbə fəaliyyət göstərmir və göndərilən mesajlar həqiqəti əks etdirmir.

Vətəndaşlardan xahiş olunur ki, tanımadığı şəxslərdən gələn bu cür mesajlara inanmasınlar və heç bir halda ödəniş etməsinlər.

Eyni zamanda, bilidirilir ki, artıq aidiyyəti qurumlar bu mesajlarla bağlı məlumatlandırılıb.