Myanmadan olan Rohinca qaçqınları "Facebook" əleyhinə 150 milyard dollarlıq iddia qaldırıblar.

Onlar sosial şəbəkəni regionda zorakılığa səbəb olan nifrət dalğasının qarşını almamaqda ittiham edirlər.

ABŞ-dakı qaçqınlar Kaliforniyanın ən yüksək məhkəməsində, Avropadakı Rohinca qaçqınları isə Böyük Britaniyada oxşar iddia irəli sürüblər.

Beynəlxalq Cinayət Məhkəməsi Myanma hərbçilərinin Rohincalara qarşı irimiqyaslı cinayətlər törədib-törətmədiyi ilə bağlı araşdırmaya başlayıb. 2017-ci ildə 600.000 ilə 1 milyon arasında Rohinca Myanmadan məcburən qovulub, onların əksəriyyəti qonşu Banqladeşə qaçıb.

Qaçqınların şikayətində deyilir ki, 2013-2017-ci illər arasında sosial mediada çoxlu sayda anti-Rohinca nifrət postu və dezinformasiya yayılıb.