Kənd sakini Yaşar Əliyev Oxu.Az-a bildirib ki, mövcud problem olduğu kimi qalıb və bu səbəbdən kəndin əhalisi, xüsusilə də məktəbli uşaqlar çətinlik çəkirlər.

“Kəndin yolları çox bərbad vəziyyətdədir. Mərkəzdən körpü olan hissəyə qədər yollar normaldır, oradan sonra isə demək olar ki, küçələr cəhənnəmi xatırladır. Yağış yağan zaman isə yolların vəziyyətini təsəvvür etmək mümkün deyil”.

“Üç küçədə suyun axarını təmin etmək üçün birtərəfli qazıntı aparılıb. Yağış olmasa, iki yerdə daha qazma işləri aparmağı planlaşdırırıq. Elə küçə var ki, ora çınqıl tökmək olar, elə yer var ki, olmaz. Çünki, kəndin küçələri həyətyanı sahədən yarım metr hündürdür. Oranı qazsaq, yoldan maşınların keçməsi mümkünsüz olacaq. Gün ərzində bir küçədə qazıntı işləri aparmağı və çınqıl səpməyi düşünürük”.

“Əgər bələdiyyə icazə üçün müraciət etməsə, çınqıl götürə bilmərik. Bələdiyyə sədrinə bu barədə məlumat vermişik. İcazəsiz çınqıl götürsək, bələdiyyə cərimə edilə bilər. Daha əvvəl də bu məsələ yaşanıb, bələdiyyə 4000 manat cərimə edilib. Ekologiya və Təbii Sərvətlər Nazirliyindən icazə almaq üçün bələdiyyə məktub yazmalıdır”.

“Qanunvericiliyə əsasən yerin təkindən istifadə icazəli fəaliyyətdir. Hər hansı bir qanunsuz fəaliyyət aşkar edilərsə, qanunvericiliyə əsasən tədbir görülür”.(Bakupost.az)