“Qarabağa səyahət üçün hər hansı qadağa yoxdur. Ölkə vətəndaşları bu yaradılan xidmətlərdən istifadə edə bilərlər”. Bununla bağlı işğaldan azad edilmiş ərazilərə müntəzəm avtobus marşrutlarının açılması ilə bağlı keçirilən brifinqdə Daxili İşlər Nazirliyinin Baş İctimai Təhlükəsizlik İdarəsinin rəis müavini Eldəniz Məmmədov deyib.

O bildirib ki, yalnız şəhid ailəsi üzvləri, müharibə veteranları üçün xüsusi imtiyazlar tətbiq edilir.

“Hazırda Qarabağa təşkil edilən səfər xidmətlərindən xarici vətəndaşların istifadəsi nəzərdə tutulmayıb”, - deyə Eldəniz Məmmədov əlavə edib.