“Dünən Masallıya ailəvi səfər elədik. Məqsədimiz də budur ki, Bakının istisindən və səs küyündən uzaq olaq və istirahət edək. Masallı rayonunda yerləşən "Viləş Palace"-də səhər yeməyi yedik. Şəkildə də gördüyünüz kimi 4 yumurta(1 i yeyilib) bir pendir və bir çaynik çay. Bu da edir 40 manat”.
Bunu jurnalist Yusif Məhəmmədoğlu sosial şəbəkədə yazıb. O, bildirib ki, otel əməkdaşları hələ utanmadan da deyirlər ki, biz həyətə yani otelin binasından kənara səhər yeməyi vermirik: 
“Yəni səhər yeməyini Viləşdə ancaq oteldə qalırsansa yeyə bilərsən. Baxın, səhvi biz eləmişik ki, həyətdə səhər yeməyi yemişik. Buna görə də xidmətçilərə söz gəlib. 
Belə yerdə deyiblər, utanmasan oynamağa nə var ki? Uzun sözün qısası. Yediyimizə görə qəbz tələb etdik. Vermədilər ki, bizdə yeməyə görə qəbz verilmir. Deməli bu da vergidən yayınmadır. 
Deyir ki, səhər yeməyi bir adam üçün 10 manat uşaqlar üçün isə ödənişsizdir. Belədirsə, deməli biz 10 manat ödəməli idik. Uşaqlar pulsuzdur axı deyirlər. Uşaqların anası da yemiyib. Sonra xidmətçidən soruşdum ki, bu stola qoyduğunuz yumurtanı biz 10 yerə bölüb on adam yesək o zaman nə qədər ödəcəyik? Dedi 100 manat. Bax budur turizim. Bax budur turizimin inkişafı. Get 3 yumurta ye və 40 manat də ödə. Bəxtimiz orda gətirdi ki, biz orda nahar etmədik. Yəqin ki, 400 manat da nahar üçün alacaqdılar. 
Yumurtanın biri 20 manat olan istirahət mərkəzində bir şiş kabab da 200 manat olar. Yazdım ki, məlumatınız olsun ki, yolunuz buralara düşsə Viləşdən uzaq durun. Bizi aldatdılar heç olçasa siz aldanmayın!”.






Paylaş: