Tbilisi Şəhər Məhkəməsi Gürcüstanın üçüncü prezidenti Mixail Saakaşvilinin ölkə sərhədini qanunsuz keçməsi işi üzrə həbs edilən 4 nəfərin həbs-qətimkan tədbirini girovla əvəzləyib.

Elquca Tsomaia, ata və oğul Giorgi və Zurab Tsotsorialar və Giorgi Narimanidze 5 min lari girov müqabilində həbsdən azad ediləcəklər.

Saxlanılan şəxslər ağır cinayəti ört-basdır etməkdə, dövlət sərhədini qanunsuz keçməyə yardım etməkdə ittiham edilirdilər.

Qeyd edək ki, Ukraynadan Gürcüstana qeyri-qanuni yollarla qayıtmış Mixail Saakaşvili ötən il oktyabrın 1-də Tbilisidə qaldığı mənzildə həbs edilərək 12 saylı Rustavi cəzaçəkmə müəssisəsinə nəql edilib.