AMEA-nın eks-prezidenti Ramiz Mehdiyev tutduğu vəzifədən istefa verdikdən dərhal sonra onun alimləri və deputatları təhqir, siyasi hakimiyyəti şantaj edən yazısı akademiyanın rəsmi saytından silinib. “Yeni Sabah” bildirir ki, "AMEA Mətbuat Xidmətinin məlumatı" başlıqlı geniş yazı saytın “bəyanatlar” bölməsində yerləşdirilmişdi. Yazıda R.Mehdiyevin dilindən onu tənqid edən alimlər və deputatlar təhqir edilmişdi.

Mehdiyevin özünü yazdığı şübhə doğurmayan məqalə ciddi narazılığa səbəb olub. Deputatlar, elm adamları, siyasətçilər Mehdiyevin ünvanına sərt ifadələr səsləndirib, onu müxtəlif cinaytlərdə, dövlətə xəyanətdə ittiham edirlər.