“Kişi müəllimlərə hər hansı güzəştlər nəzərdə tutulmayıb”.

Bunu müəllimlərin işə qəbulu və yerdəyişməsi qaydalarında yeniliklərlə bağlı keçirilən onlayn brifinqdə Təhsil Nazirliyinin İnsan resursları şöbəsinin müdiri Eşqi Bağırov deyib.

O qeyd edib ki, müsabiqə şərtlərinə görə, hər hansı kateqoriya namizədlərin digərlərindən fərqləndirilməsi ədalətli deyil:

“Düşünürəm ki, məktəblərdə gənc mütəxəssislərin fəaliyyətinin stimullaşdırılması kişi müəllimlərin bu sahəyə marağının artmasına səbəb olub. Artıq müəllim kimi çalışmaq istəyən kişi namizədlərin sayında artım müşahidə olunur”.