“Sabah Bakıda hava şəraitinin dəyişkən buludlu olacağı arabir tutulacağı gözlənilir. Gecə və səhər saatlarında yarımadanın bəzi ərazilərində yağış yağacağı ehtimal olunur. Mülayim cənub küləyi əsəcək. Gündüz saatlarında arabir güclənəcək”. 

Bunu açıqlamasında Milli Hidrometeorologiya Departamentinin  Hidrometeoroloji Proqnozlar Bürosunun şöbə rəisi Gülşad Məmmədova deyib. O bildirib ki, fevralın 19-da və 20-də Bakıda hava şəraiti əsasən yağmursuz olacaq:

“Ayın 19-da mülayim şimal-qərb küləyi əsəcək. 20-si cənub küləyi ilə əvəz olunacaq. Həmin gün 9-10 dərəcə isti olacaq. Yaxın günlərdə paytaxtda hava şəraitində güclü dəyişiklik gözlənilmir. 

Bölgələrdə də ayın 17-si, 18-i və 19-u yağmursuz hava şəraiti olacaq. Gecə və səhər saatlarında bəzi yerlərdə duman olacağı istisna edilmir”.