Ukraynanın Kiyev vilayətinin Vasilkov rayonu ərazisində Rusiya Silahlı Qüvvələrinə məxsus İL-76 təyyarəsi vurulub.

"Report"un Şərqi Avropa bürosunun məlumatına görə, bu barədə Ukrayna Silahlı Qüvvələrinin Baş Komandanlığı məlumat yayıb.

Komandanlıqdan bildirilib ki, Belarus istiqamətində qalxdığı təxmin edilən təyyarədə 100-dən çox desantın olduğu ehtimal edilir. Öldürülən rus hərbçilərin sayı və kimliyi məyyənləşdirilir.

***

Ukrayna Hərbi Hava Qüvvələri Rusiyanın hərbi helikopterini və Su-25 hücum təyyarəsini vurub.

“Report” xəbər verir ki, bu barədə Ukrayna Silahlı Qüvvələrinin Hərbi Hava Qüvvələri komandanlığının feysbuk səhifəsində məlumat verilib.

Qeyd edilir ki, Rusiyanın hərbi helikopteri və Su-25 hücum təyyarəsi S-300 zenit-raket kompleksi ilə vurulub.

“Gecəyarı Ukrayna Silahlı Qüvvələrinin Hərbi Hava Qüvvələrinə məxsus S-300 zenit-raket kompleksi Birləşmiş Qüvvələr əməliyyatı bölgəsində iki düşmən hədəfini - bir helikopteri və bir Su-25 hücum təyyarəsini vurdu. Yaşasın Ukrayna zenitçiləri”, - xəbərdə deyilir.