Rusiya prezidenti müdafiə naziri və baş qərargah rəisinə çəkindirici qüvvələrin tam döyüş vəziyyətinə gətirməyi əmr etdi. Çəkindirici qüvvələrin strateji təyinatlı raket qoşunlarıdır. O cümlədən nüvə. Səbəb kimi NATO-nun Rusiya dövləti barədə hərəkətlərini göstərdi. Görünür, Rusiya daha ciddi qarşıdurmalara hazırlaşır.

Bu fikirləri Vətəndaşların Əmək Hüquqlarını Müdafiə Liqası icraiyyə komitəsinin sədri, hüquqşünas Sahib Məmmədov deyib.

Hüquqşünas vurğulayıb ki, hadisələr belə getsə havada və dünya okeanında insidentlər baş verə bilər: “1983-ci illə müqayisədə gərginlik on dəfə çoxdur. Karib böhranında da daha gərgin vəziyyətdir”.

Sahib Məmmədov bildirib ki, Rusiya şərtlərini deyib. Bunlar Krım üzərində Rusiyanın suverenliyinin tanınması, Ukraynanın tam neytrallığına dair təminat, Ukraynanın demilitarizasiyası və denatsifikasiyasıdır: “Bunlar yerinə yetirilməsi mümkün olmayan tələblərdir. Ukrayna tərəfi heç zaman bu tələblərlə razılaşmayacaq”.