Rusiyanın bu səhər tam nəzarəti ələ keçirdiyini iddia etdiyi Ukraynanın cənubundakı liman şəhəri Xersonla bağlı fərqli iddialar var.

Yerli hakimiyyət hələ də şəhərin Ukraynanın nəzarəti altında olduğunu iddia edir.

Lakin “youtube”da yerləşdirilən kadrlarda artıq Xersonun mərkəzində rus qoşunlarının döyüşdüyü əks olunub. Kadrlarda həmçinin tankın da şəhər mərkəzindəki döyüşlərdə istifadə olunduğu görünür.

BBC müstəqil olaraq görüntülərin Xersonun mərkəzində lentə alınmasını təsdiqləyib.