NATO-nun Baş katibi Yens Stoltenberq Ukraynadakı müharibəni "Rusiya Prezidenti Vladimir Putinin müharibəsi" kimi qiymətləndirib.

O, bu barədə NATO-nun qərargahında Rusiya-Ukrayna müharibəsini müzakirə etmək üçün fövqəladə iclasdan sonra mətbuat konfransında deyib.

"Biz Putini bu müharibəni dərhal dayandırmağa, bütün qüvvələrini Ukraynadan qeyd-şərtsiz çıxarmağa və indi real diplomatik səylərə cəhd etməyə çağırırıq", - Stoltenberq bildirib.

O, Ukraynaya qarşı müharibəyə başlayan Putinin Ukrayna Silahlı Qüvvələrinin və Ukrayna xalqının gücünü lazımınca qiymətləndirmədiyini vurğulayıb.