Rusiya prezidenti Vladimir Putin çağırışçıların və ehtiyatda olan hərbçilərin cəbhə bölgəsində döyüşlərə çağırılmadığını bildirib.

O, bu barədə 8 Mart - Beynəlxalq Qadınlar Günü ilə bağlı yayımladığı videoda deyib.

Putin bildirib ki, onun bu mesajı hazırda döyüşdə olan əsgər və zabitlərin anaları, arvadları, bacıları, gəlinləri və sevgililərinin ehtimal edilən narahatlığını aradan qaldırmaq məqsədi daşıyıb:

“Yaxınlarınız üçün necə narahat olduğunuzu başa düşürəm. Vurğulayım ki, hərbi xidmət keçən əsgərlər döyüş əməliyyatlarında iştirak etmirlər və iştirak etməyəcəklər də. Təyin olunan tapşırıqları ancaq peşəkar hərbçilər icra edir”.