Bu barədə o “Facebook” hesabında video paylaşıb.

Görüntülərdən aydın olur ki, o etiraz şüaurları yazaraq Daxili İşlər Nazirliyinin inzibati binası qarşısında aksiya keçirmək istəyib. Bu zaman polis onu ərazidən uzaqlaşdırmağa çalışıb.

Lakin bu mümkün olmadıqda polislər avtomobilin yan şüşəsini qıraraq, onun canlı yayımını dayandırıblar.

"Müdafiə Xətti” Təşkilatının sədri Rüfət Səfərovun məlumatına görə, B. Hacıyev saxlanılaraq, BŞBPİ-nə aparılıb.

"Vətəndaş Bəxtiyar Hacıyev şikayət əsasında aparılan araşdırmaya etiraz edərək bu gün saat 14:30 radələrində özünə məxsus avtomobillə DİN-in inzibati binasının qarşısına gəlib. Polis əməkdaşları ona yaxınlaşaraq həmin yerdə dayanma-durmanın qadağan olduğunu bildiriblər. Bəxtiyar Hacıyev isə maşındakı yanar mayeni göstərərək özünü də, avtomobili də yandıracağını deyib. Buna görə də polis əməkdaşları müdaxilə etmək məcburiyyətində qalıb və qapını açaraq həmin yanacağı maşından götürüblər. Bununla da polislər baş verə biləcək hadisənin qarşısını alıblar.

Bəxtiyar Hacıyev isə etirazının səbəbinin araşdırılması məqsədilə müvafiq polis idarəsinə aparılıb. Hazırda araşdırma davam etdirilir”.