Ötən il ölkədə nöqsanlar aşkarlanan 51 aptekə İnzibati Xətalar Məcəlləsinin müvafiq maddələri üzrə protokollar tərtib edilib.

“Report” xəbər verir ki, bu, Nazirlər Kabinetinin 2021-ci ildə fəaliyyəti haqqında hesabatda əks olunub.

Qeyd olunub ki, keçən il ərzində 124 əczaçılıq müəssisəsində plan üzrə və plandankənar nəzarət yoxlamasının aparılmasına dair sahibkarlıq sahəsində aparılan yoxlamaların vahid məlumat reyestrindən çıxarışlar alınıb. Keçirilən nəzarət yoxlamaları nəticəsində dövlət qeydiyyatı və sertifikatı olmayan 230 adda 1 108 qutu dərman vasitələri apteklərin məsul şəxslərinin imzalı razılığı ilə saxlanca götürülüb.

Hesabatda bildirilir ki, keçən il 1 267 dərman vasitəsi dövlət qeydiyyatına alınıb, 886 dərman vasitəsi qeydiyyat və yenidən qeydiyyat proseduruna qəbul olunub, 203 qeydiyyat vəsiqəsi dəyişilib, 1 388 dərman vasitəsi ilkin ekspertizaya qəbul olunub.