Sumı vilayətində polis ərazi müdafiəsi nümayəndələri Rusiya Federasiyasının 29 hərbçisini saxlayıb.

Bu barədə Ukrayna Milli Polisi məlumat yayıb .

"Romnı rayonunun ehtiyatlı sakinləri kəndlərdən birinin yaxınlığında, tarlada hərbi geyimdə bir qrup şübhəli şəxsi görüblər. Məlumat dərhal polisə çatdırılıb. Polis ərazi müdafiəsi nümayəndələri ilə birlikdə dərhal reaksiya verib və 29 rus hərbçisi saxlanılıb. Əsir götürülənlərin dediyinə görə onlar xəritə ilə sərhədə doğru gedirmişlər”, - məlumatda bildirilir.

Qeyd olunur ki, bütün saxlanılan şəxslər müvafiq orqanlara təhvil verilib, orada onların Romenski rayonu ərazisinə hansı şəraitdə düşməsi aydınlaşdırılacaq.