“İqtisadiyyat Nazirliyi digər ölkələrin hökumətlərilə birgə Rusiya Mərkəzi Bankının 415 milyard dollarlıq qızıl-valyuta ehtiyatlarının Ukraynaya verilməsi mexanizmləri üzərində işləyirlər”.

Bunu Ukrayna İqtisadiyyat nazirinin müavini Denis Kudin mətbuata açıqlamasında deyib.

Nazir bildirib ki, 415 milyard dollar Ukraynaya vurulmuş ziyanın ödənilməsinə yönəldilə bilər: “Qərb hökumətləri artıq Rusiya Mərkəzi Bankının 415 milyard dollarını həbs edib. Bu məbləğ təxminən bizə dəyən birdəfəlik ziyanın bağlanmasına bəs edə bilər”. 

Nazir müavini sözügedən vəsaitin Ukraynaya ödənilməsi mexanizminin tezliklə tapılacağına ümid etdiklərini bildirib.