Zaporojye Vilayət Hərbi Administrasiyasının sədri Oleksandr Starux Dneprudnı şəhərinin meri Yevgeni Matveyevin qaçırıldığını açıqlayıb.

Bu barədə sədr feysbukda yazıb.

"Müharibə cinayətləri sistemli xarakter alır. Dneprorudnı şəhərinin meri Matveev Yevgeni Sergeeviç oğurlanıb", - məlumatda deyilir.

Qeyd edək ki, daha əvvəl martın 11-də Melitopol meri İvan Fedorovun da oğurlanması barədə məlumat yayılıb. İndiyə qədər onun harada olduğu məlum deyil.

Martın 12-də Ukrayna prezidenti Vladimir Zelenski bildirib ki, Fedorov işğalçılara dəstək videosu çəkmək üçün işgəncələrə məruz qalır.

Daha sonra Melitopolun yüzlərlə sakini işğalçıları şəhərdən çıxarmaq üçün meydanlara çıxıb və merin geri qaytarılmasını tələb ediblər.