Ukrayna həbsxanasından qaçan gürcü kriminal avtoritet, Geqa Azurqetski ləqəbi ilə tanınan Georgi Kiladze Ukrayna Təhlükəsizlik Xidmətinin əməkdaşları tərəfindən saxlanılıb.

Bu barədə Ukrayna mediası yazıb. Bildirilir ki, “qanuni oğru” Vinnitsa vilayətində sərhəddə saxlanılıb. Saxlanılan Kiladzenin dediyinə görə, o, 2022-ci il fevralın sonunda Rusiyanın Ukraynaya qarşı hərbi əməliyyatları başlayandan sonra o, özbaşına həbsxananı tərk edib.

Qeyd edək ki, Kiladze 2020-ci ildə adam öldürməyə cəhdə görə 7,5 il müddətinə azadlıqdan məhrum edilib.