Bolqarıstanda ictimai tədbirlərdə və izdihamlı yerlərdə iştirak etmək üçün tələb olunan Covid pasportları bazar ertəsindən etibarən ləğv edilib. 

Bu, ölkənin Səhiyyə Nazirliyinin martın 17-də təqdim etdiyi müvafiq əmrlə qüvvəyə minib. Həmçinin, bazar ertəsindən etibarən ali təhsil müəssisələrinin tam iş rejimi bərpa edilib, lakin dərslərin keçirildiyi binaların mütəmadi olaraq havalandırılması və dezinfeksiya edilməsi tələbi qüvvədə qalır. Bundan əlavə, tələbələr və müəllimlərdən hələ də qoruyucu maskalar taxmaq tələb olunur.

Qeyd edək ki, bir neçə gün əvvəl İtaliya covid pasportlarını ləğv etmişdi.