Belarus prezidenti Aleksandr Lukaşenko Rusiya dövlətinin başçısı Vladimir Putinlə Ukraynanın Buça şəhərindəki təxribatı müzakirə etdiyini və bunu Böyük Britaniyanın xüsusi əməliyyatı adlandırdığını bildirib.

Bu barədə “RİA Novosti” məlumat yayıb.

“Biz bunu (Buçadakı təxribatı) müzakirə etdik. Hamı qışqırır ki, başqa bir paket (sanksiyalar – red.) təqdim etmək lazım idi, bu məlumdur. Bu gün biz onların xüsusi əməliyyatını, britaniyalıların həyata keçirdiyi psixoloji xüsusi əməliyyatı müzakirə etdik. Biz rus dostlarımızla birlikdə Qərbin bu iyrənc mövqeyini tamamilə - ilk saatdan son saata kimi aşkar etdik. Əgər sizə Buçaya gəldiyiniz ünvanlar, parollar, keçidlər, avtomobil nömrələri, möhürlər lazımdırsa, Rusiya Federal Təhlükəsizlik Xidməti bu materialları təqdim edə bilər”, - o, Rusiya prezidenti Vladimir Putinlə danışıqlardan sonra bildirib.