Rusiya Federasiyası və Ermənistanın xarici işlər nazirləri Sergey Lavrov və Ararat Mirzoyan arasında telefon danışığı baş tutub.

Bu barədə Rusiya Xarici İşlər Nazirliyi məlumat yayıb.

Nazirlər telefon danışığında Rusiyanın yardımı ilə İrəvan və Bakı arasında sülh müqaviləsinin bağlanması perspektivlərini müzakirə ediblər:

“Nazirlər Azərbaycan, Ermənistan və Rusiya liderləri arasında 9 noyabr 2020-ci il, 11 yanvar və 26 noyabr 2021-ci il tarixli sazişlərin icrası ilə bağlı fikir mübadiləsi aparıblar, regionda nəqliyyat kommunikasiyalarının açılması və Ermənistan-Azərbaycan sərhədlərinin müəyyənləşdirilməsi üzrə gələcək addımlar vurğulanıb”.

Bundan əlavə, Lavrov və Mirzoyan Ermənistanın baş naziri Nikol Paşinyanın aprelin 19-20-də Rusiyaya rəsmi səfərinə hazırlığı, o cümlədən sazişlər paketinin imzalanmasını müzakirə ediblər.