Polşanın cənub-qərbində “Pnevek” kömür mədənində metan qazının partlaması nəticəsində 5 mədənçi həlak olub.

Bu barədə məlumatı ölkənin Baş naziri Mateuş Moraveçki açıqlayıb.

Məlumata görə, mədəndə iki partlayış qeydə alınıb.

Onun sözlərinə görə, 20-dən çox insan ağır xəsarət alıb.

Bildirilir ki, birinci partlayış gecə baş verib. Nəticədə bir neçə mədənçi dağıntılar altında qalıb. Xilasetmə əməliyyatı zamanı ikinci partlayış olub.

Hazırda xilasetmə əməliyyatı davam etdirilir.