Rusiyanın “Rəsul Həmzətov” patrul gəmisi Azov dənizinə keçərkən zədələnib.

Bu barədə “Defence Express” məlumat yayıb.

Bildirilib ki, gəmi Rusiya Federasiyası Federal Təhlükəsizlik Xidməti Sərhəd Mühafizə Xidmətinin sahil mühafizəsinə məxsus olub.

Nəşr öz mənbələrinə istinadən yazır ki, Rusiya gəmisi Volqa-Don kanalında yolda olarkən zədələnib. Onun Xəzərdən Azov dənizinə köçürülməsi planlaşdırılıb.

Bildirilir ki, gəminin təmiri kifayət qədər uzun çəkəcək, çünki Rusiyada təmir üçün lazım olan ehtiyat hissələri yoxdur.

Gəmi 5 aydan az müddət sularda olub. Aprelin 21-nə olan məlumata görə, gəmi Rostov Azov limanında idi.