Ermənistanın ikinci böyük şəhəri Gümrüdə Baş nazir Nikol Paşinyanın istefası tələbi ilə mitinq başlayıb.

Bu barədə “Yerkir Media” telekanalı məlumat yayıb. Bildirilir ki, aksiya bazar günü səhər İrəvandan başlayan mitinq iştirakçılarının təşəbbüsü ilə təşkil olunub.

Gümrüyə gedərkən Paşinyan tərəfdarları mitinqi dayandırmağa çalışsalar da, aksiya iştirakçıları məcburi dayanmadan sonra yoluna davam ediblər.

Qeyd edək ki, aprelin 25-dən Ermənistanda müxalifət etiraz aksiyaları keçirir. Etirazçılar əmindirlər ki, hakimiyyətin siyasəti ölkəni dövlətçiliyin itirilməsi ilə hədələyir.