Ermənistan müxalifətinin nümayəndələri paytaxt İrəvanda Baş nazir Nikol Paşinyanın istefası tələbilə avtoyürüş keçirirlər.

Bu barədə Ermənistan mətbuatında görüntülər dərc edilib.

“Müqavimət” hərəkatının nümayəndələri mayın 16-da saat 08:00-da müxalifətin paytaxta aparan beş regional marşrut üzrə mitinqlərinin başlayacağını açıqlayıb.

Polis Əştərək magistral yolundan başlayan aksiya iştirakçılarının keçidinə mane olmağa çalışıb. “Qırmızı berelilər” sürücüləri maşınlardan düşürüb saxlayırlar. Saxlanmanın səbəbi hələlik açıqlanmır.

Polisin məlumatına görə, səhər saatlarında polis baş nazir Nikol Paşinyanın istefası tələbi ilə keçirilən aksiyanın 21 iştirakçısı saxlanılıb.