Aparıcı Xoşqədəm Hidayətqızını məhkəməyə verən vəkil Bəhruz Bayramov onunla barışıb.

Bu, Hidayətqızının aparıcısı olduğu “Səni axtarıram” verilişində yaşanıb.

Vəkil aparıcıya gül buketi gətirib. Bayramov, həmçinin Hidayətqızına qarşı olan iddiasını geri çəkdiyini açıqlayıb.

Qeyd edək ki, daha əvvəl X. Hidayətqızını məhkəməyə verən B. Bayramov aparıcını istintaq sirrini yaymaqda ittiham etmiş, onun efirdə təhqiqat və ya ibtidai istintaq məlumatlarını yaydığını bildirmişdi. B.Bayramov Cinayət Məcəlləsinin 147.2-ci maddəsi ilə məhkəməyə müraciət edərək iddia etmişdi ki, X. Hidayətqızı Konstitusiyanın və Cinayət-prosessual qanunvericiliyinin tələblərini pozur.