Azərbaycanlı milyarder Vahid Ələkbərov iki superyaxtasının tikildiyi gəmiqayırma zavoduna tətbiq edilən sanksiyalara görə oranı tərk etmək məcburiyyətində qalıb.

O,  2008-ci ildə 100 milyon avroya aldığı “Heesen Yachts” gəmiqayırma zavodunun səhmlərini müstəqil Hollandiya fonduna keçirib.

Onun bu addımı hansı şəraitdə atdığı hələlik məlum deyil.

Rusiya vətəndaşı və “Lukoyl”un həmtəsisçisi Vahid Ələkbərov mayın 18-dən etibarən şirkət yenidən bütövlükdə hollandlara məxsus olduğunu açıqlayıb.

“Heesen Yachts”dan bildirilib ki, sövdələşmə sayəsində “Oss” və “Winterswijk” tərsanələrində bütün iş yerlərini xilas etmək mümkün olub.