Xəbər verdiyimiz kimi, Türk Dünyası Bələdiyyələr Birliyinin (TDBB) dəvətiylə Azərbaycan bələdiyyələrinin bir qrup üzvü Türkiyə Respublikasına rəsmi səfərdədir.

Səfərin ilk günündə İstanbul şəhərində Türk Dünyası Bələdiyyələr Birliyi İdarə heyətinin  İstanbul şəhərində növbəti sayca altıncı  geniş tərkibli  toplantısı keçirilib.

İdarə heyətinin iclasında Türkiyə Dövlətinin Prezidenti Rəcəb Təyyub Ərdoğan da iştirak edərək geniş məzmunlu çıxış edib.

Prezident R.T. Ərdoğan çıxışında birliyin yarandığı gündən bu yana çətiri altında xidmət edənlərə təşəkkür edib. 22 il əvvəl təməli qoyulan birliyin əslində 19 ildir fəaliyyət göstərdiyini dilə gətirən Prezident Ərdoğan 30 müxtəlif ölkə və bölgədən təxminən 1200 bələdiyyə üzvü ilə nəhəng bir ailəyə çevrilən birliyin liderlər arasında olmağından məmunluğunu dilə gətirib.

Birliyin Balkanlardan Orta Asiyaya qədər uzanan geniş coğrafiyada dost və qardaş bələdiyyələr arasında əməkdaşlığın inkişafına kömək etdiyini vurğulayan Prezident Ərdoğan, yeni proqram və layihələrlə təsir dairəsini genişləndirən birliyin güclü dövlət quruculuğu qurmasından məmnunluğunu ifadə edib.

Dövlət səviyyəsində həyata keçirilən işlərin bələdiyyələrə də sirayət etməsindən məmnunluğunu ifadə edən Prezident Ərdoğan sözlərini belə davam etdirib: “Türk Dünyası Bələdiyyələr Birliyinin 30 ölkədən yerli özünüidarəetmə orqanlarının və bölgələr hal-hazırda bu toplantıda təmsil olunur, önəmlidir. Təbii ki, burada söhbət kökləri minlərlə ortaq keçmişə söykənən bir gücdən getdiyini unutmamalıyıq. 

Biz də keçmişdə yaşadıqlarımızdan və bu gün ətrafımızda baş verənlərdən ibrət götürərək hərəkət etməliyik. Yalnız uğruna bütün dünyanı od vurmağa hazır olanlarla qarşı-qarşıya qalsaq uğur qazana bilərik" dedi. Qardaşlarım, əgər buna nail ola bilsək, Avrasiya coğrafiyası önümüzdəki dövrdə dünyanın göz bəbəyi olacaq. Birlik və həmrəyliyimizin əvəzini birlikdə ödəməyə davam edəcəyik".

Prezident Ərdoğan sözlərini belə davam etdirib: "Türkiyə Anadoluda min illik varlığı, 600 illik dünya hökmranlığı və gələn il 100 illik yubileyini qeyd edəcək gənc cümhuriyyəti ilə könlünü sizə sona qədər açdı.  "İnkişaf yerlidən başlayır" anlayışı ilə bələdiyyələrdə işlərimizi həyata keçiririk.”

Prezident Ərdoğan çıxışını TDBB-nin 6-cı Adi Baş Assambleyasının məhsuldar keçməsini diləyərək yekunlaşdırıb. 

İdarə heyətinin  iclasında TDBB-nin İdarə heyətində Azərbaycanı təmsil edən Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev iştirak etməklə çıxış edib.

İdarə heyətinin iclası bir sıra vacib və məsul qərarların qəbulu ilə yekunlaşıb.

Azərbaycanın 18 nəfərlik nümayəndə heyəti sabah TDBB-nin təşəbbüsü ilə Bursa şəhərində keçiriləcək “Beynəlxalq yerli hökumətlər” (Uluslararası yerel yönetimler) konfransında iştirak edəcəklər.

Nümayəndə heyətinə Azərbaycan Şəhər, Qəsəbə və Kənd Milli Bələdiyyə Assosiasyalarının sədrləri və qardaş Türkiyə bələdiyyələri ilə qardaşlamış bələdiyyələrin sədr və təmsilçiləri daxildir.