Almaniyanın Zaksenhauzen həbs düşərgəsinin keçmiş mühafizəçisi, 101 yaşlı Jozef Şutz 5 il müddətinə azadlıqdan məhrum edilib.

Bu barədə məlumatı “Bild” nəşri yayıb.

Məlumata görə, Şuts 1941-ci ilin oktyabrından 1945-ci ilin fevralına qədər sözügedən həbs düşərgəsində xidmət edib. Məhkəmənin qərarına görə, keçmiş mühafizəçi 3516 dustağın qətlə yetirilməsində iştirak edib.

Litva əsilli Şuts isə, öz növbəsində ona qarşı irəli sürülən ittihamları qəbul etmir.

Bildirilir ki, J. Şuts bu günə qədər Holokost zamanı hərbi cinayətlərdə iştiraka görə hakim qarşısına çıxarılan ən yaşlı şəxs olub.