Zamanında ölkənin "əmlak kralı" kimi tanınan, indi isə bir köşəyə çəkilirmiş kimi görünən, əslində çox mübhəm olaayların altında imzası olan Kərəm Həsənovun ona doğma olan Cəlilalabad rayonunda böyük nüfuza sahib olduğu əvvəlindən təxmin edilmirdi. Buna səbəbsə, hazırda Prezidentin köməkçisi postunu tutan Kərəm Həsənovun zamanınd öz həmyerlisi - keçmiş iqtisadi inkişaf naziri Fərhad Əliyevə qarşı etdikləri göstərilməkdədir. Hələ də bir çox dairələrdə Kərəm Həsənovun adı keçmiş nazir Fərhad Əliyevin həbsinin səbəbkarlarından biri kimi çəkilməkdədir. Halbuki Kərəm Həsənovun məhz Fərhad Əliyevin sayəsində hazırki hakim düşərgəyə qoşula bildiyi də iddia olunur.

Bunlar bir yana, hazırda isə Kərəm Həsənov doğma Cəlilabadında ən mənfi bir fiqur kimi xarakterizə olunur və hətta yerli sakinlərin etirazlarının körükləyicisi olaraq da nişan verilir. Bu barədə dia.az-a danışan Cəlilabad sakinlərindən birinin sözlərinə görə, Kərəm Həsənov elə bir şərait yaradıb ki, bu gün Cəlilabdda ona yaxın olmayan məmur vəzifədə tapılmaz. Hətta neçə başçı dəyişsə də, bu qayda dəyişməz olaraq. qalır.

Təbii ki, bu fakt da təsirsiz ötüşmür. Qeyd edək ki, anoloji problemi bir neçə gün əvvəl Cəlilabad sakini Bəhruz Əliyev də diqqətlərə çatdırmışdı. Daha ətraflı aşağıdakı videoda:

Məsələ ilə bağlı dia.az olaraq bütün maraqlı tərəfləri dinləməyə hazırıq...